Japanskur kjúklingaréttur með stökkum núðlum.

Japanskur kjúklingaréttur með stökkum núðlum.

Fyrir 6-8 

 

6-8 kjúklingabringur

Olía til steikingar

Sweet  hot chili-sósa, eftir smekk 

 

2 pokar súpunúðlur

200 gr möndluflögur

2-4 msk sesamfræ 

Blandað salat, t.d. klettasalat, eikarlauf og lambasalat

2 öskjur kirsuberjatómatar, skornir í tvennt

2 mangó skorin í bita

1 rauðlauk, skorin í sneiðar 

 

1 bolli ólífolía

½ bolli balsamedik

4 msk sykur

4 msk. Sojasósa 

 

 

Skerið kjúklingabringur í strimla og snöggsteikið í olíu á pönnu. Hellið sweet hot chili-sósunni yfir og látið malla í smá stund.

 

Setjið ólífolíu, balsamedik, sykur og sojasósu í pott og látið suðuna koma upp. Hrærið af og til í sósunni á meðan hún er að kólna svo hún skilji sig ekki. Láta kólna

Brjótið súpunúðlur í litla bita og ristið á þurri pönnu svo þær verði stökkar. Setjið til hliðar á disk og látið kólna. Ristið möndluflögur og sesamfræ sitt í hvoru lagi, Setjið til hliðar og kælið.

 

Setjið salat í stóra skál eða fat og blandið kirsuberjatómötunum mangóbitum og rauðlauk saman við. Dreifið ristuðu núðlunum, möndluflögunum og sesamfræjunum yfir, dreypið sósunni yfir og setjið loks heita kjúklingastrimlana ofan á.

 

Þessi réttur geymist vel og er líka góður kaldur.  Hann hentar vel einn og sér sem klúbbréttur eða málsverður. Það er hægt að minnka og stækka hlutföllin eftir því sem við á.